Numërimi për ‘parlamentet vendore’ ka përfunduar në bashkitë: Vorë, Kamëz, Elbasan, Fushë Arrëz, Cërrik, Këlcyrë, Libohovë, Pustec, Kolonjë dhe Poliçan.

Përveç PS dhe BF, forcë faktor cilësohet edhe PSD e Tom Doshit ku në bashkinë Shkodër numëron deri tani 12 mandate. Por thuajse në të gjithë veriun kishte siguruar 1 ose 2 mandate.
Në Elbasan dhe Poliçan, ku është përmbyllur numërimi për këshillat bashkiakë, PS ka siguruar shumicën e mandateve, duke fituar thellë përballë BF dhe Partisë Demokratike. Konkretisht në Elbasan PS ka marrë 28 manddate, BF, 7 mandate, PD 1 mandat dhe nga një mandat për PSD, Partinë e Gjelbër, PDS dhe PDIU.

Ndërsa në Poliçan nga 15 mandate të mundshme, PS ka fituar 13. Ndërsa BF dhe PD marrin nga një mandat secilia forcë. Në Pustec ka mbaruar numërimi, ku 5 mandate i ka marrë PS, 4 mandate për BF, 1 PAA, 1PDS, 1 PSD dhe 3 mandate Aleanca Maqedonasve për integrimin Europian.
Në bashkinë e Fushë Arrëzit, PSD dhe PAA kanë marrë shumicën e mandateve me nga 3 mandate secila. Ndërkohë në Tropojë, PS ka numër më të madh votash duke siguruar më shumë mandate se koalicioni Bashkë Fitojmë.