Edhe pse Gjykata Kushtetuese pezulloi dekretin e Presidentit Bajram Begaj për zhvillimin e zgjedhjeve në Bashkinë e Tiranës më 9 nëntor, Partia Socialiste nuk ka ndërprerë fushatën elektorale.

Strukturat e PS në Tiranë janë udhëzuar të vazhdojnë aktivitetin normal, duke respektuar oraret dhe grupet e takimeve të paracaktuara. “Vazhdoni punën, ju rikujtoj për takimet e sotme sipas orareve dhe grupeve përkatëse”, thuhet në njoftimin e partisë.

Vendimi i Gjykatës Kushtetuese vjen pas kërkesës së Erion Veliaj, i cili kundërshton si shkarkimin e tij nga detyra, ashtu edhe dekretimin e datës së zgjedhjeve të reja. Gjykata ka vendosur pezullimin e efekteve juridike të dekretit të Presidentit deri në marrjen e vendimit përfundimtar.

Pra, megjithë pezullimin e dekretit, PS vijon aktivitetet elektorale duke e konsideruar fushatën të pandërprerë.