Partia Socialiste ka zyrtarizuar sot të gjithë kandidatët që do të garojnë në zgjedhjet e pjesshme lokale të 9 nëntorit. Në një mbledhje të kryesisë që zgjati rreth 25 minuta, u miratuan emrat për gjashtë bashki, përfshirë edhe Tiranën, ku Ogerta Manastirliu do të përfaqësojë mazhorancën.

Sipas vendimit të PS, kandidatët janë:
• Ogerta Manastirliu – Bashkia Tiranë
• Gramoz Sako – Bashkia Tepelenë (në vend të Tërmet Peçit, tashmë deputet)
• Altin Bojni – Bashkia Mat
• Brunilda Mersini – Bashkia Vlorë
• Florenc Doka – Bashkia Cërrik
• Ervin Ceca – Bashkia Berat

Burime nga mbledhja bëjnë të ditur se diskutimet ishin të shkurtra dhe emrat u miratuan me konsensus të plotë, pas një procesi konsultimi me strukturat vendore.

Këto zgjedhje pritet të jenë një test politik për mazhorancën dhe opozitën, pasi përfshijnë bashki me peshë të veçantë elektorale si Tirana, Vlora dhe Berati.