Partia Socialiste ka zyrtarizuar deputeten Brunilda Mersini si kandidate për Bashkinë e Vlorës në zgjedhjet e ardhshme vendore. Mersini, e cila aktualisht përfaqëson qarkun e Vlorës në Kuvend, do të duhet të lërë mandatin parlamentar për t’u përfshirë në garën për kryebashkiake.

Pas dorëheqjes së saj, në listën e Partisë Socialiste pritet të hyjë në Kuvend Briseida Çakërri, e renditur menjëherë pas Mersinit në listën shumëemërore të qarkut Vlorë.

Burime brenda PS bëjnë të ditur se kandidatura e Mersinit është mbështetur nga strukturat lokale dhe konsiderohet si një figurë me profil të qartë institucional dhe lidhje të forta me qytetin bregdetar.

Zgjedhjet në Vlorë pritet të jenë një nga garat më të ndjekura në vend, pasi përballë saj pritet të dalin edhe kandidatë të pavarur dhe përfaqësues të opozitës, mes tyre edhe turoperatori Dionis Sota, që ka shpallur më herët kandidaturën e tij.