Në një intervistë të fundit, Gashi ka zbuluar më shumë rreth karrierës së tij, label-it, dhe bashkëpunimeve me artistë të njohur. Ai ka ndarë gjithashtu një histori të pazbuluar më parë për bashkëpunimin e tij me Ledri Vulën, një moment që u pasua nga kritika të shumta.

Gashi rrëfeu se shumë njerëz, përfshirë shokë të ngushtë të Ledrit, e kishin kritikuar për këtë vendim, duke i thënë se kishte “ulur veten” për të bërë një këngë me Ledrin. Ai kujtoi se disa nga ata që rrinë me Ledrin, e kishin pyetur: “Pse e ke bërë këngën me Ledrin?”, duke e konsideruar këtë një hap të pasuksesshëm për karrierën e tij.

Megjithatë, Gashi theksoi se për të, Ledri është një nga artistët më të mirë në Kosovë dhe shprehu dashurinë për të dhe për familjen e tij. Ai shpjegoi se është e rëndësishme për të të bashkëpunojë me artistë nga Shqipëria dhe Kosova, dhe u shpreh se nuk shqetësohet për mendimet negative të të tjerëve, duke e konsideruar Ledrin dhe familjen e tij si njerëz të mirë.