Vushtrria është tronditur nga një vrasje e dyfishtë, ku një burrë ka vrarë ish-punonjësen e tij dhe më pas ka kryer vetëvrasje. Ngjarja ndodhi në Milloshevë, ku viktima, e cila më parë kishte punuar në furrën e autorit, u qëllua për vdekje.

Sipas raportimeve nga Veriu.Info, motivi dyshohet të jetë largimi i viktimës nga puna dhe punësimi i saj në një furrë tjetër konkurruese.

“Me të ishte edhe një grua tjetër me një fëmijë. Dorasi ka gjuajtur në drejtim të saj, por ajo ka arritur të shpëtojë duke hyrë në një dyqan së bashku me fëmijën e saj. Më pas, ai ka kryer vetëvrasje,” raportoi gazetari Gazmend Morina.

Sipas familjarëve, autori ishte i pakënaqur që viktima dhe bashkëshorti i saj kishin lënë punën në biznesin e tij. Policia ka nisur hetimet për të zbardhur rrethanat e plota të ngjarjes.