Prokuroria e Posaçme ka nisur verifikimet pas publikimit të informacioneve lidhur me përdorimin e të dhënave të qytetarëve nga Partia Socialiste.

Prokuroria ka shkuar në zyrat e “Lapsi.al” për të sekuestruar serverin pas publikimit të disa prej të dhënave për database-in ku ndodhen të dhënat e qytetarëve.

SPAK po bën verifikime lidhur me pretendimet për nxjerrjen e të dhënave personale të qytetarëve nga portali e-Albania për qëllime elektorale nga PS.

Kreu i SPAK Arben Kraja deklaroi sot se kanë filluar verifikimet dhe do ketë përgjigje patjetër lidhur me akuzat e ngritura për të cilat ka dhe një padi.