Në hartën e publikuar ku janë përqendruar më së shumti veprimet e tyre, vihet re se pothuajse për secilën zonë, 2 persona ishin angazhuar si shpërndarës. Mes tyre vihet re se të dyshuara janë edhe 3 femra, identiteti i të cilave ende nuk është bërë i ditur.
Të prangosurit janë pjesë e një grupi kriminal që operon në kryeqytet, ku shpërndanin drogë dhe kokainë në lokale dhe shkolla në Tiranë.
Gjatë operacionit u sekuestruan në cilësinë e provës materiale 2 kilogramë e 120 gramë kokainë, 300 doza kanabis, 130 doza heroinë, shuma parash rreth 5 miljonë lekë të vjetra, 1700 euro, 11 automjete dhe 29 aparate celulare.
Kontrolle janë bërë në lokale dhe shkollat e kryeqytetit për zbërthimin e këtij rrjeti të madh trafikimi.
Mbi bazën e provave të siguruara gjatë hetimit, u organizua dhe finalizua operacioni policor i koduar “Harta”, në kuadër të të cilit u kapën dhe u vunë në pranga 20 persona si dhe u shpallën në kërkim 4 të tjerë.
Të arrestuarit janë : Fabian Qoku, Redi Lolaj, Eduard Hysa, Dorjano Çela, Enver Mehmeti, Fatbardh Bardhi, Martin Kuka, Marsel Gjona, Mariglen Hoxha, Muharrem Tarushi, Polikron Shabani, Erion Xhaxho, Altin Llani, Jurgen Hasamataj.
