Puthjet në buzë nuk kanë munguar as në edicionin e katërt të “Big Brother VIP”, duke u kthyer në një nga elementët që ngjall kuriozitet dhe diskutim tek publiku. Në këtë sezon, nuk kanë qenë vetëm çiftet që kanë shkëmbyer puthje romantike, por edhe banorë të tjerë në kuadër të sfidave, lojës apo thjesht për argëtim.

Një nga momentet më të komentuara të ditës së sotme ka qenë puthja mes Danjës dhe Loredanës, e cila ndodhi gjatë një sfide të organizuar brenda shtëpisë. Banorët u ftuan të konsumonin një pije me shijen e tyre të preferuar, ndërkohë që secili prej tyre kishte edhe një urdhër sekret për të përmbushur.

Sipas rregullave të sfidës, nëse banorët do të realizonin me sukses urdhrin e caktuar, ata do të shpërbleheshin me një super dhuratë.

Për Danjën dhe Loredanën, sfida përfshinte një puthje në buzë. Pa hezitim, sapo përfunduan pijet e tyre, ato shkëmbyen një ‘baby kiss’, duke përmbushur sfidën me buzëqeshje dhe sportivitet. Momenti ka krijuar reagime të ndryshme brenda shtëpisë dhe po ashtu ka ngjallur interes në rrjetet sociale.

Big Brother VIP vazhdon të surprizojë çdo ditë me lojëra, sfida dhe situata të papritura që testojnë raportet mes banorëve dhe sjellin dinamika të reja në shtëpi.