Në mbledhjen elektronike të zhvilluar dje, Qeveria e Kosovës ka miratuar tri vendime të rëndësishme, ndër të cilat spikat mbështetja për komunitetin shqiptar në Preshevë, Medvegjë dhe Bujanoc.

Vendimet kryesore të marra:

1.Aprovimi i Rregullores për Procedurat dhe Kushtet e Financimit të Organizatave Sportive

Kjo rregullore synon të përcaktojë kriteret dhe procedurat për financimin e organizatave sportive, duke mundësuar mbështetje më të strukturuar dhe transparente për sektorin sportiv në Kosovë.

2.Mbështetje për familjet shqiptare në Preshevë, Medvegjë dhe Bujanoc

U ndanë 1,108,529 euro për familjet shqiptare nga këto tri komuna që merren në mënyrë aktive me bujqësi.

Financimi përfshin edhe mbështetje për programet nga thirrja publike e Këshillit Kombëtar Shqiptar (KKSH), duke përfshirë projekte për avancimin dhe socializimin e fëmijëve me nevoja të veçanta.

3.Aprovimi i kërkesës së Ministrisë së Financave, Punës dhe Transfereve për kursime dhe ndarje

Ky vendim synon menaxhimin më të mirë të fondeve publike dhe përdorimin e tyre për projekte prioritare dhe mbështetëse.

Këto vendime synojnë përmirësimin e kushtet socio-ekonomike të shqiptarëve në rajonet e lartpërmendura, si dhe zhvillimin e bujqësisë dhe programeve sociale në këto zona të rëndësishme për komunitetin shqiptar.