Qeveria e Maqedonisë së Veriut miraton masa të reja për parandalimin e shpërndarjes së koronavirusit.

Prej 6 prillit ora policore do të fillojë në orën 20:00 deri në ora 05:00, do të mbyllen të gjitha objektet hoteliere, baret, palestrat, ndalohet grupimi i më shumë se 4 vetëve. Të gjitha këto masa janë në fuqi deri më 20 prill.

Prej sot mbyllen edhe sallat e fitnesit, sallat e sportit dhe sallat për ushtrime dhe ndalohet edhe organizimi, mbajtja dhe pjesëmarrja në seminare, trajnime, punëtori, kurse, konferenca etj.

Sakaq që nga nesër mbyllen të gjitha objektet hotelierike, si dhe pikat e bastëve. Nga masat e mëparshme, mbetet në fuqi ndalesa për grupimin e më shumë se katër personave.