Prej disa ditësh ka hyrë në fuqi vendimi i qeverisë për fshirjen e gjobave administrative të paekzekutuara në harkun kohor nga 1 janari 2015 deri më 30 nëntor 2024. Kjo nismë synon të lehtësojë barrën financiare për qytetarët dhe bizneset, sidomos në zonat rurale, duke pastruar historikun administrativ dhe duke hapur rrugë për përfitime të ndryshme, si legalizime, kredi apo subvencione.

Çfarë përfshin falja?
• Fshihen automatikisht nga regjistrat financiarë e tatimorë të gjitha gjobat e papaguara dhe masat administrative të paekzekutuara nga institucione të ndryshme gjatë periudhës së përcaktuar.
• Pas fshirjes, nuk ka më detyrime për pagesë, penalitete apo masa të tjera shtesë.

A duhet qytetarët të aplikojnë?
• Në rast se janë përfitues automatikë, nuk është e nevojshme aplikim. Institucionet përkatëse (bashkitë, inspektoratet, tatimet) do të përgatisin listat e fshirjes brenda datës 15 qershor 2025 dhe masat do të hiqen automatikisht nga sistemet.
• Nëse nuk figurojnë në listat e përgatitura, qytetarët duhet të kontaktojnë institucionin ku është vendosur masa (bashkia, tatimet, inspektorati) dhe të dorëzojnë një kërkesë përfshirjeje me dokumentacion mbështetës brenda datës 15 janar 2026.

Hapat që duhet të ndjekin qytetarët
1. Verifikoni pranë bashkisë ose institucionit që ka vendosur gjobën nëse jeni përfshirë në listën për fshirje.
2. Sigurohuni që masa të jetë e paekzekutuar dhe përputhet me përshkrimet në vendim.
3. Nëse nuk jeni në listë, paraqisni kërkesë zyrtare pranë institucionit përkatës, duke bashkëngjitur dokumentacionin përkatës.
4. Monitoroni afatet dhe komunikoni me Drejtorinë e Tatimeve vendore për t’u siguruar që masa është hequr nga sistemi dhe nuk shfaqet më në detyrimet tuaja.

Afatet kryesore
• Listat e fshirjes duhet të përgatiten dhe miratohen deri më 15 qershor 2025.
• Fshirja e plotë e masave dhe gjobave do të përfundojë deri më 15 janar 2026.