Kryeministri i Shqipërisë Edi Rama ka shpallur qeverinë e re. Gjatë fjalës së tij në Asamblenë Kombëtare të PS, ai tregoi emrat që do të vendoset në dikasteret e ministrisë.
Qeveria ‘Rama 3’ do të ketë në përbërjen e saj 8 nga ministrat e qeverisjes së kaluar.
Kryeministri Rama ka konfirmuar në detyrën e ministres së Jashtme, Olta Xhaçkën, si ministër të Brendshëm, Blendi Çuçi, si ministre të Shëndetësisë, Ogerta Manastirliun, si ministre Arsimi Evis Kushin dhe si Ministre Kulture, Elva Margaritin. Po ashtu Niko Peleshi do të vijojë të jetë ministri i Mbrojtjes.
Ndryshimet
Zv. kryeministër do të jetë Arben Ahmetaj, ky i fundit zëvendëson në këtë detyrë Erion Braçen që konfirmoi largimin nëpërmjet një statusi në rrjete sociale disa ditë më parë.
Niko Peleshi konfirmohet në detyrë dhe do të jetë sërish Ministër i Mbrojtjes. Një konfirmim i këtij lloji erdhi dhe për Bledi Çuçin që do të vazhdojë të jetë në krye të Ministrisë së Mbrojtjes.
Qeveria e re nuk do të ketë me Etilda GJonajn, e cila është zëvendësuar nga Ulsi Manja, ky I fundit mbante aktualisht postin e kryetarit të Komisionit të Ligjeve.
Ministrja e Financave në qeverinë e re do të jetë Delinda Ibrahimaj, e cila deri sot mbante postin e drejtoreshës së Përgjithshme të Tatimeve.
Ndërkohë që Ministrja e Bujqësisë, Milva Ekonomi është zëvendësuar nga Frida Krifca, kjo e fundit mban aktualisht postin e drejtoreshës së Përgjithshme të AZHBR-së.
Ndërkohë Milva Ekonomi do të jetë pjesë e qeverisë, Rama po si ministre ‘pa portofol”. Asaj i është besuar posti i ministres së Shtetit për Standardet dhe Shërimit, dikaster i ri i formuar nga kreu i qeverisë.
Blendi Klosi është zëvendësuar na kabinetin qeveritar nga Mirela Kumbaro, ndërkohë që ministria e Pandeli Majkos, ajo për Diasporën është shkrirë.
Eduard Shalsi është zëvendësuar nga Edona Bilali, si ministre për Mbrojtjen e Sipërmarrjes.
Ndërkohë që Elisa Spiropali ka vijuar të jetë ministrja e Shtetit për marrëdhëniet me Parlamentin.
Në kabinetin e ri futet për herë të parë Bora Muzhaqi, e cila do të ketë ministrinë e shtetit për Rininë dhe Fëmijët.
Qeveria ‘Rama 3’
Zëvendëskryeministri, Arben Ahmetaj
Ministri për Punët e Jashtme dhe Europën, Olta Xhaçka
Ministri i Mbrojtjes, Niko Peleshi
Ministri i Drejtësisë, Ulsi Manja
Ministri i Punëve të Brendshme, Bledi Çuçi
Ministri i Financave, Delina Ibrahimi
Ministri për Infrastrukturën, Belinda Balluku
Ministri i Shëndetësisë, Ogerta Manastirliu
Ministri i Arsimit, Evis Kushi
Ministri i Kulturës, Elva Margariti
Ministria e Bujqësisë, Frida Krifca
Ministria e Turizmit dhe Mjedisit, Mirela Kumbaro
Qeveria e re do ketë katër ministra shteti:
Elisa Spiropali, ministre për Marrëdhëniet me Parlamentin
Edona Bilali, ministre e Shtetit per Mbrojtjen e Sipermarrjes
Bora Muzhaqi, ministre e Shtetit per Rinine dhe Femijet
Milva Ekonomi, ministre e Shtetit per Standardet dhe Sherbimet