Një nga qytetaret pjesëmarrëse në protestën e opozitës, e ulur këmbëkryq në rrugën përballë Bashkisë së Tiranës, ka shprehur me forcë zemërimin e saj kundër qeverisjes së Edi Ramës dhe shpopullimit të vendit. Ajo e shfrytëzoi momentin për të denoncuar situatën e vështirë që po kalojnë shumë familje shqiptare, ndërsa theksoi se fëmijët e saj janë larguar nga Shqipëria për të kërkuar një jetë më të mirë.

“Erion Veliaj dhe Edi Rama hajdutët. Na kanë shit me ujë, na kanë shit gjithçka. S’ju vjen turp shteti. S’ju vjen turp Edi Ramës, Erion Veliajt me i bo këta fëmijë kështu, me bo nëna 80-vjeçare. Unë nuk lëviz vendit. S’jam kam lëviz hiç edhe me ardh qikjo makinë qitu. Protestoj për ikjen e Edi Ramës dhe klikën e tij. Me hajdutë, kriminelë. Të poshtrit. E shiti Shqipërinë, fëmijët tanë janë në botë i këna mall me i pa. Çka me pas ma, tash me na qit dhe ujë me spec, me piper, gruas 80-vjeçare. Turp, turp, turp,” tha ajo, duke bërë thirrje për ndryshime dhe kundërshtuar me forcë veprimet e qeverisë.