Kryeministri Rama ka raportuar për një komunikim pozitiv mes liderëve të Ballkanit Perëndimor gjatë tryezës në Shkup, ku morën pjesë edhe përfaqësues të lartë të BE-së dhe SHBA. Sipas Ramës, zhvillimet e fundit tregojnë një kthesë pozitive pas periudhës së humbur kohë dhe energjieje në procesin e integrimit. Ai theksoi se kërkesat e BE-së për të arritur përparim ekonomik janë një sinjal i rëndësishëm, ndërsa vuri në dukje se bashkëpunimi dhe vizioni strategjik janë të domosdoshme për zhvillimin e rajonit.

Edi Rama:

Komunikim pozitv mes të gjithëve. Ky format dhe këto kërkesa që ka sot BE nga të gjithë ne për të na dhënë mundësinë që të arrijmë shumë më tepër nga aspekti ekonomik, flasin vetë. Sot nëse ne e kishim bërë të gjitha gjërat që mund t’i kishim bërë në kuadër të Procesit të Berlinit apo Ballkanit të Hapur sot do ishim gati. Por nuk jemi sepse kemi humbur kohë duke harxhuar shumë energji. Gjëra kështu në fakt janë rezultat i mungesës së vizionit strategjik të përbashkët të të gjitha vendeve dhe mungesa e dëshirës për të ndarë çështje të brendshme. BE e ka bërë të qartë se kush bëhet shkak mund të penalizohet. Në këtë aspekt në këto 24 orë ka ndodhur diçka pozitive