Kryeministri Edi Rama ndodhet në Romë, Palazzo Chigi.

Është zhvilluar në këto çaste ceremonia e pritjes nga Kryeministrja e Republikës së Italisë, Giorgia Meloni.

Kryeministri Edi Rama ndodhet këtë të mërkurë në një vizitë zyrtare në Romë. Pak orë më parë gjatë konferencës së përbashkët për shtyp me Zv/Kryeministrin dhe Ministrin e Jashtëm italian, Antonio Tajani, Rama tha se për herë të parë Shqipëria nuk mund të linjëzohet me deklaratën e Bashkimit Europian.

Ai tha se për sa kohë Bashkimi Europian nuk bën një deklaratë të dytë ku t’i kthejë përgjigje mesazhit që vjen nga Beogradi me shpalljen e zisë kombëtare, qëndrimi i qeverisë shqiptare do të qëndrojë i njëjtë.