Ish-kryeministri Sali Berisha thotë se kryeministri grek Kyriakos Mitsotakis nuk e ka ftuar Edi Ramën në Samitin e Athinës.

Nëpërmjet një statusi në “Facebook”, Berisha thotë se kryeministri grek ka vepruar drejtë për të mos ftuar Ramën, pasi sipas tij, ka shkelur të drejtat e njeriut dhe Kodin Zgjedhor për rastin e Fredi Belerit.

Po ashtu, ish-kryeministri e cilëson jo të mirëmenduar refuzimin për të marrë pjesë të Presidentit Bajram Begaj. Sipas tij, nëpërmjet këtij refuzimi, Begaj tentoi që t’i impononte kryeministrit grek ftesën për Edi Ramën.

Berisha thotë se me këtë veprim Begaj zgjodhi interesat personale të Ramës dhe jo ato evropiane dhe shqiptare.