Kryeministri Edi Rama ka ndarë një video në rrjetet sociale duke përkujtuar ditën e rinisë, dhe duke shtuar se kjo datë i kushtohet vetëm të rinjve. Ai thotë se vitin e ardhshëm Tirana do të jetë kryeqyteti i Rinisë, ndërkohë që parashikohen një sërë aktivitetesh në lidhje me këtë zhvillim.

“MIRËMËNGJES dhe me ditën që mbetet e re çdo vit, 8 dhjetori që i dedikohet vetëm të rinjve, e me Tiranën që në 2022-in do të jetë Kryeqyteti Europian i Rinisë, ju uroj një ditë të bukur”, shkruan Kryeministri.

Prej vitit 2009, me vendim të marrë nga Kuvendi i Shqipërisë, kjo datë përkujtohet si festë kombëtare në nderim të të gjithë studentëve të dhjetorit 1990 dhe gjithë rinisë shqiptare.

Më 8 dhjetor 1990, një grup studentësh e pedagogësh të Universiteteve të Tiranës, u bënë iniciatorë e protagonistë të kthesës së madhe historike, protestave paqësore që sollën rënien e sistemit komunist dhe lindjen e demokracisë.
Postimi në facebook: