Kryeministri Edi Rama ka uruar Donald Trump për fitoren në zgjedhjet presidenciale të Shteteve të Bashkuara për Shtëpinë e Bardhë, përmes një postimi në platformën X (ish-Twitter). Ai e cilësoi rezultatin si një fitore të jashtëzakonshme dhe shprehu mirënjohje për bashkëpunimin me administratën e presidentit në largim, Joe Biden.

“Ishte një nder i vërtetë të punoja përkrah Presidentit të 46-të të Shteteve të Bashkuara për të forcuar lidhjen mes dy vendeve tona,” shkruan Rama. “Mezi pres privilegjin e madh të punoj me Presidentin e 47-të për të përmirësuar më tej partneritetin tonë për paqe, prosperitet dhe përparim të mëtejshëm.”

Në postimin e tij, kryeministri theksoi rëndësinë e marrëdhënieve mes Shqipërisë dhe Shteteve të Bashkuara dhe shprehu besimin se bashkëpunimi me presidentin e ri do të çojë në zhvillim të mëtejshëm.