Ministri i Brendshëm Bledi Çuçi ka reaguar pas raportit të publikuar nga DASh në lidhje me terrorizmin, ku vlerësohet pozitivisht efiçenca e treguar nga Shqipëria në këtë fushë.
Çuçi e ka konsideruar vlerësim dhe inkurajim raportin e DASH për terrorizmin. Ai shkruan se Ministria e Brendshme dhe Policia Shtetit mbeten të përkushtuar dhe angazhuar maksimalisht kundër terroristëve duke mbështetur forcimin e sigurisë kufitare.
Çuçi në reagimin e tij i shpreh falenderimin agjensive ligjzbatuese amerikane për mbështetjen dhe besimin e treguar në këtë fushë, si dhe i siguron ato se bashkëpunimi do të vijojë në të njëjtat nivele.
“Raporti i DASH për terrorizmin, vlerësim & inkurajim në luftën e përbashkët. Ministria e Brendshme & Policia Shtetit mbeten të përkushtuar/angazhuar maksimalisht kundër terroristëve të njohur/dyshuar & akteve të tyre, përfshi financimin. Si MB do të vijoj të mbështes forcimin më tej të sigurisë kufitare, proceseve të verifikimit/shkëmbimit të info mbi hyrjet në kufijtë e vendit, riatdhesimin e grave/të miturve nga Siria & shpalljen të padëshiruar & dëbimin e kujtdo që paraqet kërcënim. Faleminderit agjencive 🇺🇸 për mbështetjen, besimin & bashkëpunimin në luftë kundër #terrorizmit dhe ekstremizmit të dhunshëm”- shkruan ai në Twitter.