Deputeti i Partisë Demokratike zyrtare ka reaguar pas deklaratave të Ministrisë së Drejtësisë lidhur me kërkesat e kryedemokratit Basha për amnisti. Ai ka akuzuar qeverinë e kryeministrit Rama se ka interes për të amnistuar zyrtarët e korruptuar, ndërkohë që kërkesa e PD-së është për amnisti për protestuesit.

Deputeti ka theksuar se ata që kërkojnë amnisti janë protestuesit që janë ngritur për të mbrojtur të drejtat e tyre dhe jo zyrtarët e korruptuar. Nëpërmjet reagimit, ai ka hedhur akuza ndaj qeverisë për tentativë amnistie për zyrtarët e korruptuar dhe ka kritikuar moralin e kësaj qeverie duke i cilësuar ata si “kriminelët që i vjedhin çdo ditë shqiptarëve”.

Reagimi i plotë:

A janë më të fajshëm një grua, burrë a i ri që ka protestuar se kjo qeveri po i shkatërronte shtëpinë, apo zyrtarët e korruptuar që i kanë pirë gjakun këtij vendi dhe që kjo qeveri kërkon t’i amnistojë?!
Ata që kërkojmë ne të amnistohen janë protestuesit që u ngritën për të mbrojtur të drejtat e tyre, ata që kërkoi kjo qeveri janë zyrtarët që i vjedhin çdo ditë ata.
Morali i kësaj qeverie janë kriminelët që i veshi me pushtet dhe të korruptuarit që abuzojnë me pasuritë dhe paratë e shqiptarëve.Çudi që Ulsiu, meqë qenka kaq i interesuar për protestuesit e pas 2020, nuk solli amendament për ta, por për zyrtarët e korruptuar.
Është e kuptueshme që Edi Rama dhe qeveria e tij ka vetëm një interes: si t’i bëjë presion SPAK-ut dhe gjykatave, dhe të falë zyrtarët e vet të korruptuar.
Mesazhi i tyre për drejtësinë është i qartë: “Ju dënoni, ne lirojmë!”