Presidenti i Serbisë, Aleksandar Vuçiç, ka shfaqur pakënaqësi të thellë pas votimit të Asamblesë së Përgjithshme të Organizatës së Kombeve të Bashkuara, e cila miratoi një rezolutë që njeh gjenocidin serb në Srebrenicë. Gjatë seancës, Vuçiç hodhi flamurin e Serbisë mbi shpatullat e tij, një veprim që u konsiderua i papërshtatshëm nga të pranishmit e tjerë.

Rezultati i votimit u shpall në favor të miratimit të rezolutës, duke shkaktuar reagimin demonstrativ të Vuçiçit. Edhe pse iu kërkua të hiqte flamurin nga shpatullat, presidenti serb u përgjigj se “askush në botë” nuk mund t’ia marrë atë.