Fondacioni i Real Madridit dhe Kryqi i Kuq kanë nisur një fushatë për mbledhjen e fondeve me qëllim mbështetjen e të prekurve nga përmbytjet. Klubi madrilen ka njoftuar në rrjetet sociale se ka bërë një donacion prej 1 milion eurosh për të ndihmuar familjet që ndodhen në gjendje kritike. Ky donacion është pjesë e përkushtimit të klubit për të ndihmuar komunitetin në kohë vështirësish, duke iu ofruar mbështetje të domosdoshme njerëzve të prekur nga fatkeqësia natyrore.