Shqipëria është përfshirë nga reshje të dendura shiu gjatë orëve të fundit, duke shkaktuar probleme në disa zona të vendit.

Në qarkun e Fierit, Lumi Seman ka dalë nga shtrati, duke përmbytur toka bujqësore në disa fshatra brenda argjinaturës. Si pasojë, sipërfaqe të konsiderueshme toke janë mbuluar nga uji, ndërsa fermerët raportojnë dëme në kultura.

Autoritetet vendore dhe strukturat e emergjencave civile ndodhen në terren, ku po monitorojnë situatën dhe po vlerësojnë masat e nevojshme për të parandaluar përkeqësimin e mëtejshëm të gjendjes.

Reshjet pritet të vijojnë edhe në orët në vijim, duke mbajtur në gatishmëri institucionet përgjegjëse.