Sulmuesi i Sivasspor, Rey Manaj, u përfshi mbrëmjen e djeshme në një aksident trafiku në rrugën ‘Bağdat’ në Stamboll, raporton media turke. Sipas burimeve, futbollisti 28-vjeçar është në gjendje të mirë shëndetësore dhe po mbahet nën vëzhgim në spital si masë paraprake.

Aksidenti shkaktoi dëme materiale në automjetin e Manajt, por nuk raportohet për lëndime fizike. “Ai është mirë dhe nuk ka probleme shëndetësore,” konfirmojnë burimet për situatën e futbollistit.

Nuk janë dhënë detaje të tjera mbi shkaqet e aksidentit, ndërsa klubi pritet të bëjë njoftime zyrtare në orët në vijim.