Pas një takimi historik në Greqi, presidenti turk Recep Tayyip Erdogan dhe kryeministri grek Kyriakos Mitsotakis kanë shpallur një marrëveshje të re për të rikthyer dhe forcuar marrëdhëniet mes dy vendeve. Në një atmosferë miqësore, ata janë pajtuar që të përqëndrohen në politikat e fqinjësisë së mirë, të zvogëlojnë tensionet, të rrisin këmbimet tregtare dhe të zgjidhin mosmarrëveshjet, veçanërisht në detin Egje.

Presidenti Erdogan theksoi se nuk ka asnjë çështje të pazgjidhshme mes tyre dhe se synimi është të kthejnë Egjeun në një det paqeje. Kryeministri Mitsotakis shtoi se me hapa të përbashkët, ata duan të jenë shembull për botën. Pas polemikave të mëparshme, marrëdhëniet janë përmirësuar, sidomos pas ndihmës së shpejtë të Greqisë pas tërmetit në Turqi.

Në një nismë për rikthimin e besimit reciprok, ata janë pajtuar që të mbajnë takime të përvitshme të nivelit të lartë dhe të rrisin vëllimin e tregtisë nga 5 miliardë në 10 miliardë dollarë. Dialogu është shtrirë edhe në hapjen e një sistemi të ri të vizave për shtetasit turq që dëshirojnë të vizitojnë disa nga ishujt grekë. Mesazhi përfundimtar është se këto dy vende aleate të NATO-s janë të gatshme për një kapitull të ri pozitiv në marrëdhëniet e tyre historikisht të ndërlikuara.