Grupi i Rithemelimit ka njoftuar se do të jetë i pranishëm në seancën parlamentare të nesërme për të vijuar jetën normale parlamentare dhe ka hequr dorë nga kaosi në Kuvend. Në lidhje me bashkëpunimin me Bashën, Gazment Bardhi tha:

“Nuk kam kërkuar asnjë rikompozim të grupit. Nuk kam problem të ulem me askënd. Respektoj secilin anëtar të grupit parlamentar të PD-së.”

Ai gjithashtu fton Lulzim Bashën të jetë pjesë e grupit të dialogut të ngritur për ligjet me shumicë të cilësuar.

Bardhi thekson se, edhe pse vendimet e grupit nuk janë respektuar, ata kanë rezervuar një vend për Bashën në këtë grup dialogu dhe ftonin të propozojnë emrin e tyre pranë kryetarit të grupit për miratim në seancën e nesërme.