Një ngjarje e rëndë ka tronditur kryeqytetin italian, ku një 26-vjeçar, shtetas nga Gambia, është arrestuar nën akuzën e përdhunimit të dy grave, një 60-vjeçare dhe një 44-vjeçare, në një stacion autobusi në Via Prenestina, Romë.

Autoritetet bëjnë me dije se i dyshuari ka leje qëndrimi të vlefshme në Itali, pasi i është dhënë mbrojtje ndërkombëtare. Emri i tij nuk është bërë publik.

E ndjera 44-vjeçare rrëfeu momentet e tmerrit: “Më kërkoi një cigare, pastaj më tërhoqi zvarrë në një rrugicë pas Via Prenestina dhe më përdhunoi mbi një grumbull mbeturinash.” Policia vijon hetimet për të zbardhur të gjithë rrethanat e ngjarjes dhe po kontrollon zonën për të mbledhur prova të tjera.

Ngjarja ka shkaktuar reagime të menjëhershme në komunitetin lokal, duke rikthyer shqetësimin mbi sigurinë në hapësirat publike dhe nevojën për masa më të forta mbrojtëse.