eksa ka ndarë me Monikën disa rrëfime shumë të ndjera, Meridiani është ndalur edhe tek lidhja 17-vjeçare me partneren e tij.

Meridiani ka rrëfyer se ata duan shumë që të bëhen prindër por problemet e shumta shëndetësore dhe familjare nuk ia kanë mundësuar të ndërmarrin këtë hap të rëndësishëm.

“Duam shumë të kemi një fëmijë por ne kemi 5 vite që endemi nëpër spitale. E ëma e partneres time u sëmur me tumor, u sëmur edhe vëllai i saj.

Vetëm një kurë e terapisë shkonte 8.500€. Vëllait tumori i kishte kapur venën kryesore. Vetëm unë e di çfarë kemi hequr dhe kur ne shtëpi flitet për halle se si më duket”,– tha ai.

Ai ka treguar gjithashtu se para disa kohës ka humbur babain pasi ishte prekur nga Covid-19.
Si pasojë e situatës së vështirë në vend ai nuk mundi që jo vetëm të ndihmonte babin në këtë moment të vështirë por as ta shihte atë për herë të fundit.

‘’Ishte situatë shumë e vështirë. Këtu askush nuk të linte që ta shikoje dhe kjo më ka vrarë më shumë. Ne sapo ishim kthyer nga Turqia sepse kisha vjehërrinë dhe mamin sëmurë gjithashtu, na kishte kapur ankthi. Kur erdha nuk dija se ku kishte varrin pasi nuk e pranoja dot si fakt. Fakti që nuk e pashë më bënte që mos ta besoja. Edhe sot më duket se do e gjej në shtëpi, vetëm një telefonatë më duhet nga ai. Më mungojnë këshillat e tij edhe pse ka qenë i ashpër’’,- tha ai teksa nuk i mbajti dot as lotët.