Një avion bombardues Tu-22M3 i Forcave Ajrore Ruse është rrëzuar sot në rajonin Irkutsk të Siberisë.

Sipas Ministrisë së Mbrojtjes së Rusisë, katër anëtarët e ekuipazhit u hodhën me parashutë përpara përplasjes, por njëri prej tyre nuk arriti të mbijetojë.

Incidenti dyshohet se ka ndodhur për shkak të një problemi mekanik. Avioni u rrëzua në një zonë të pabanuar, duke shmangur dëme të tjera. Autoritetet ruse kanë nisur hetimet për të përcaktuar shkaqet e sakta të aksidentit.