Një 50-vjeçar ka ndërruar jetë pasditen e sotme pasi ka rënë nga lartësia e një pallati në zonën e Astirit në Tiranë.

Bëhet fjalë për 50-vjeçarin me inicialet K.A., i cili ka rënë nga kati i 6-të i pallatit ku ka qenë duke punuar.

Njoftimi i policisë

“Më datë 10.05.2022, rreth orës 16:55, në rrugën “Kasem Shima”, dyshohet se aksidentalisht ka rënë nga kati i gjashtë i një banese ku ishte duke punuar, shtetasi K. A., 50 vjeç, i cili si pasojë ka ndërruar jetë.

Grupi hetimor ndodhet në vendngjarje dhe po punon për sqarimin e rrethanave të ngjarjes.”