Nevoja për punonjës në sektorin e turizmit, nga ata më pak të kualifikuar deri tek ata me kualifikim të lartë, ka shtyrë qeverinë për të rishikuar pagat.

Paga mesatare për efekt kontributesh në këtë sektor është rritur me 23% vitin e shkuar, duke sjellë një presion të vazhdueshëm për rritjen e pagave.

Megjithatë, qeveria ka deklaruar një qasje më të ashpër ndaj informalitetit dhe evazionit tatimor në të njëjtën kohë.

Referuar xhiros nga fiskalizimi për të gjithë NIPT-et e popullatës se turizmit, për muajin Gusht 2023 kanë rezultuar me rritje të xhiros me 7%. Ndërsa për tatimpaguesit që rezultojnë në të dy vitet rrija e xhiros është rreth 6%. Nga krahasimi i listë pagesave të periudhës 2023 – 2022 si listë pagesa e fundit totale për popullatën e tatimpaguesve të sektorit turistik rezultojnë këto të dhëna: – Rritje në numrin e tatimpaguesve me +12% krahasuar me të njëjtën periudhe një vit m parë dhe nje rritje me vetem +2% të numrit të punonjësve; – Rritja në pagën mesatare për kontribute është +23%; – Rritje e TAP me + 33%” thuhet në raport.

Kreu i qeverisë, Edi Rama, ka nënvizuar mungesën e përputhjes midis të dhënave zyrtare dhe zhvillimeve në sektorin e turizmit, sugjeruar se ka nëndeklarim të aktivitetit ekonomik në këtë sektor.