Rrustem Hasaj, babai i Arjon Hasaj, i cili vrau Ramazan Matajn në Shkodër disa ditë më parë, ka kërkuar falje publike në emër të të birit dhe ka kërkuar që drejtësia të vazhdojë hetimin dhe djali i tij të marrë dënimin e merituar. Në një intervistë për emisionin theksoi se nuk kishte asnjë informacion për konfliktin mes djalit dhe viktimës dhe se nuk do ta kishte lejuar që një ngjarje e tillë të ndodhte.

Rrustem Hasaj shpjegoi se ka qenë në Tiranë kur ka mësuar për ngjarjen dhe e ka marrë vesh vonë, duke kërkuar falje për tragjedinë që ka ndodhur. Ai shprehu keqardhje të thellë për familjen e viktimës dhe theksoi se nuk ka pasur asnjë informacion lidhur me armët që mund të kenë pasur ata.

“Jam i mbaruar nga ky gjest. I kërkoj ndjesë familjes së tij. Ta dinte baba, në këtë gjendje s’do shkonte. Unë kam qenë në Tiranë, e mora vesh më vonë, s’kam pasur asnjë info kanë apo jo armë. I kërkoj falje fisit, të atit të tij. Kemi pasur shoqëri. Unë vetë nuk ka qenë në dijeni, s’do ta lejoja të ndodhte,” tha Rrustem Hasaj.

Përveç kësaj, ai pohoi se ishte në dijeni të ngacmimeve të viktimës ndaj vajzave të tij, duke shtuar se djali i tij kishte pasur një përplasje me burrin e parë dhe të dytë të viktimës për shkak të këtyre ngacmimeve. Rrustem Hasaj kërkoi që të largohet së bashku me familjen për të shmangur mundësinë e hakmarrjes.

Ai përfundoi duke shprehur keqardhje për të gjithë situatën dhe theksoi se djalin e tij duhet të përballojë pasojat e veprimeve të tij.