Një zjarr shpërtheu në termocentralin bërthamor Zhaporizhzhia – më i madhi në Evropë – pas një sulmi me grana ruse. Ekipet ukrainase kanë arritur të shuajnë flakët
Shërbimet Shtetërore të Emergjencave të Ukrainës thanë se nuk kishte viktima nga zjarri, i cili nuk preku vendndodhjen e reaktorit, por një zonë trajnimi pesëkatëshe aty pranë.
Sulmi i Rusisë shkaktoi dënim të menjëhershëm nga liderët perëndimorë të cilët e quajtën atë një akt “të tmerrshëm” dhe “të pamatur” që kërcënonte sigurinë e të gjithë Evropës.
Presidenti i Ukrainës Zelensky disa orë më parë u bëri thirrje vendeve të tjera që të ndërmarrin më shumë veprime menjëherë kundër “terrorit bërthamor” të Putinit.
Ai u bëri thirrje evropianëve që të “zgjohen” me perspektivën e një katastrofe globale si shkrirja bërthamore e Çernobilit në 1986 dhe tha se Rusia ishte vendi i parë në histori që u përpoq të bombardonte një termocentral bërthamor.
Diku tjetër, Rusia po forcon fushatën e saj në jug të Ukrainës, ku po i afrohet qytetit kyç të Mariupolit pasi pushtoi Kherson dy ditë më parë.
Mbi një milion refugjatë janë larguar tani nga Ukraina. Si Rusia ashtu edhe Ukaine kanë rënë dakord për krijimin e “korridoreve humanitare” për evakuimin e civilëve.
A fire broke out at the Zaporizhzhia nuclear power plant in southeast Ukraine early on Friday (March 4) after an attack by Russian forces, the plant's spokesperson said. pic.twitter.com/ysvl2taNmp
— ONE News PH (@onenewsph) March 4, 2022
