Liverpool – Fushata e Liverpoolit në Premier League po kalon një krizë të thellë, pas barazimit zhgënjyes 3-3 ndaj Leeds United të shtunën. Mohamed Salah, ylli egjiptian i sulmit, ka hapur zemrën për tensionet me trajnerin Arne Slot, duke pranuar se marrëdhënia e tyre është “shumë e tensionuar” dhe se ndihet i tradhtuar nga klubi.

“E kam pasur një marrëdhënie shumë të mirë me trajnerin, dhe papritur nuk kemi më asnjë marrëdhënie. Më duket sikur klubi më ka hedhur nën autobus,” tha Salah, duke shtuar se nuk ndihet përgjegjës për situatën dhe se ka dhënë gjithçka për ekipin.

Sulmuesi theksoi gjithashtu dashurinë e tij për klubin: “Edhe fëmijët e mi do ta mbështesin gjithmonë Liverpoolin. E dua klubin shumë dhe gjithmonë do ta dua.”

Raportimet e fundit nga “BBC Sport” tregojnë se Liverpooli është i hapur për të ardhmen e Salah, ndërkohë që disa klube nga Arabia Saudite kanë shfaqur interes për transferimin e yllit egjiptian. Situata mbetet e paqartë dhe tifozët presin një zgjidhje sa më shpejt.