Një ngjarje e rëndë ka ndodhur në rrugën “Studenti” në Sarandë, ku një 19-vjeçar është shpallur në kërkim për dhunë fizike dhe kanosje ndaj një punonjësi të Policisë Bashkiake, për shkak të detyrës së tij.

Sipas njoftimit të policisë:

“Specialistët e Seksionit për Hetimin e Krimeve të Komisariatit të Policisë Sarandë referuan materialet në Prokurori dhe shpallën në kërkim shtetasin E. M., 19 vjeç, banues në Sarandë, pasi në rrugën ‘Studenti’, dyshohet se ka ushtruar dhunë fizike dhe ka kanosur një punonjës të Policisë Bashkiake, për shkak të detyrës. Punohet për kapjen e shtetasit E. M. dhe për dokumentimin e rrethanave të rastit.”

Policia vijon operacionet për kapjen e autorit dhe për sqarimin e plotë të rrethanave të ngjarjes.