Një incident i dhunshëm ka ndodhur më 15 janar në Sarandë, ku dy persona të moshës 41 dhe 38 vjeç mbetën të plagosur nga sende të forta dhe grushtet gjatë një konflikti për motive të dobëta.

Policia bën me dije se janë shpallur në kërkim dy autorët e dyshuar, një 24-vjeçar dhe një 34-vjeçar, ndërsa hetimet vijojnë për identifikimin e personave të tjerë të përfshirë.

“Drejtoria Vendore e Policisë Vlorë/ Specialistët për Hetimin e Krimeve në Komisariatin e Policisë Sarandë referuan materiale në Prokurori dhe shpallën në kërkim shtetasit K. B., 34 vjeç dhe N. M., 24 vjeç, banues në Sarandë, pasi më datë 15.01.2026, gjatë një konflikti për motive të dobëta, në bashkëpunim me disa shtetas të tjerë të paidentifikuar, kanë plagosur me sende të forta dhe grushta shtetasit B. C., 41 vjeç dhe V. M., 38 vjeç,” njofton policia.

Hetimet dhe puna për kapjen e të gjithë personave të përfshirë në ngjarje janë në vijim, ndërsa materialet janë dërguar në Prokurorinë lokale për veprime të mëtejshme.