Veçmas satelitëve të cilët do të mbikëqyrin hapësirën e territorit shqiptar, kryeministri Edi Rama tha se së shpejti do të bëhej blerja e dronëve të armatosur të cilët do të shërbenin për raste ekstreme por edhe përputheshin me satelitët nga ana e funksionimit të tyre.

“Satelitët shumë shpejt do pasohen nga dronët të cilët me zhvillimet e reja, ne kemi vendosur t’i kompletojmë dhe t’i marrim dronë të armatosur. Natyrisht dronët e armatosur janë për rast esktrem kundër terrorizmit apo armikut potencial por dronët kanë një tërësi funksionesh në komplementaritet në përputhje me satelitët. Duke qenë me dinamikë të vazhdueshme dhe duke bërë thellime të të dhënave, edhe dronët shumë shpejt do jenë në dispozicion.

Këtë e kam për ata që filluan të përqeshin se u vonua një afat i përcaktuar për satelitët për arsye obejtive. Sot jemi këtu me një rezultat pozitiv që na jep mundësinë ta shikojmë të lehtësuar që prej vitit që vjen pozicionin tonë në luftën për kontrollin e plotë mbi territorin dhe njëkohësisht në funksion të rritjes së kapaciteteve shtetërore në të ardhmen. Shqipëria dhe shteti shqiptar janë më të fortë me këto instrumenta. Me satelitët, me dronët dhe me bazën e re teknologjike që po krijohet hap pas hapit duke kujtuar se nuk jemi as SHBA, as Izraeli dhe as Turqia. Kemi bërë në këto vite aq sa nuk mund të imagjonohej në shumë e shumë vite të tjera që shkuan dëm”- u shpreh Rama.