Policia financiare e Komandës Provinciale të Napolit në Itali ka sekuestruar mbi 11 kg kokainë gati për t’u shpërndarë në tregun ilegal të qytetit dhe krahinës. Në veçanti, gjatë një shërbimi të rregulluar përgjatë rrugëve hyrëse, ushtarakët e Njësisë së Policisë Ekonomiko-Financiare identifikuan dhe inspektuan një makinë pranë daljes së autostradës Santa Maria Capua Vetere (CE). Mjeti drejtohej nga një burrë me kombësi shqiptare, i cili shfaqi ankth të tepruar në pamjen e policisë financiare.

Si pasojë, makina u dërgua në zyrat e Departamentit, ku pas kontrollit të detajuar u gjetën 10 blloqe kokainë, me një peshë totale prej 11.793 kg, të fshehura me zgjuarsi në hapësirat e krijuara në bagazhin e pasmë dhe në tastierën qendrore të automjetit. Korrieri, i kapur në flagrancë, u arrestua për trafik droge dhe u dërgua në burgun Napoli-Poggioreale. Droga, nëse do të vendosej në tregun e zi, do t’u kishte sjellë organizatave kriminale nga Campania një fitim të paligjshëm prej mbi 1 milionë euro.