Një megaoperacion antidrogë është zhvilluar mbrëmjen e kësaj të hëne në Tirane, ku bëhet me dije se janë sekuestruar 10 mijë doza ekstazi.Si pasojë 5 persona kanë rënë në pranga.

ADVERTISING

PAMFLETI
Aplikacioni i ri. Shkarkoje tani!
I vlefshëm për Android & iOS.

Sipas informacioneve droga sintetike mësohet se sapo kishte ardhur në kryeqytet dhe ishte destinuar për tregun e brendshëm.

Burime konfirmojnë se nga 5 të arrestuarit, 3 janë shqiptarë dhe 2 të tjerë nga Kosova. Dozat, sipas burimeve të policisë siguroheshin dhe vinin në vendin tonë nga Kosova. Hetimet kanë nisur 5 muaj më parë dhe operacioni është në vijim.

Dozat e lëndës narkotike mësohet se shiteshin kryesisht në zonën e ish bllokut dhe në lokalet e natës. Sipas përllogaritjeve, një dozë shitej 30-50 euro dhe e gjithë sasia nëse do të hidhej në treg kapte vlerën e rreth 500 mijë euro.