Një 44-vjeçar F.Ll., banues në Tiranë është proceduar penalisht për “Fshehje të të ardhurave” dhe “Mospagim i taksave”.

Ky shtetas në afërsi të Mirditës u ndalua nga policia. Në mjetin e tij tip “Benz” u gjetën 1563 veshje sportive, për të cilat 44-vjeçari nuk dispononte dokument origjine dhe as faturë tatimore.

Policia e sekuestroi mallin, ndërsa vlera e tij është rreth 2 000 000 lekë.

Njoftimi i Policisë:
Drejtoria Vendore e Policisë Lezhë
Goditet një rast i shkeljes së pronësisë industriale për shkak se transportonte veshje të firmave të ndryshme, pa deklaratat e origjinave si dhe pa fatura tatimore përkatëse.
Sekuestrohen 1563 artikuj veshje sportive me vlerë totale rreth 2 000 000 lekë, proçedohet penalisht poseduesi i tyre.
Specialistët e Seksionit për Hetimin e Krimeve Ekonomike-Financiare kanë referuar materialet hetimore në Prokurori për fillimim e proçedimit penal ndaj shtetasit F. Ll., 44 vjeç, banues në Tiranë, për veprat penale “Shkelja e të drejtave të pronësisë industriale”, “Fshehja e të ardhurave” dhe “Mospagim i taksave dhe tatimeve”.
Ky shtetas, në fshatin Rrasfik, Mirditë, në rrugë, është konstatuar dhe ndaluar nga shërbimet e Policisë me automjetin e tij tip “Benz”, ku pas kontrollit të mjetit iu gjetën 1563 pako me veshje të firmave të ndryshme, për të cilat nuk dispononte asnjë dokument mbi origjinën e tyre si dhe as faturë tatimore përkatëse. Vlera totale e mallrave të sekuestruar është rreth 2 000 000 lekë të reja.