Dy persona kanë rënë në pranga për vepra të ndryshme penale.

Një 32-vjeçar me inicialet A. H., ka rënë në prangat e policisë së Durrësit për veprën penale të “Shpërndarjes së lëndëve narkotike”. Gjatë kontrollit fizik dhe kontrollit në banesë, iu gjet një sasi lënde narkotike kokainë e ndarë në doza të vogla.

Gjithashtu në pranga ka rënë 31-vjeçari R.B., pasi u kap duke drejtuar mjetin në gjendje të dehur.

Materialet në ngarkim të tij i kaluan prokurorisë së Durrësit për veprime të mëtejshme.

Njoftimi i policisë 

Durrës-Informacion

Goditet një rast i shpërndarjes së drogave të forta në doza të vogla.

Sekuestrohet një sasi lënde narkotike kokainë e ndarë në doza, vihet në pranga poseduesi.

Nga Forca e Posaçme Operacionale në DVP Durrës, në bashkëpunim me specialistët e Hetimit të Trafikut të Paligjshëm dhe Narkotikëve, u bë arrestimi në flagrancë i shtetasit:

A.H., 32 vjeç, banues në Durrës, pasi gjatë kontrollit fizik dhe kontrollit në banesën e tij, iu gjet dhe iu sekuestrua një sasi lënde narkotike kokainë e ndarë në doza.

Specialistët e Qarkullimit Rrugor në DVP Durrës arrestuan në flagrancë për veprën penale “Drejtimi i automjeteve në mënyrë të parregullt”, shtetasin:

R.B., 31 vjeç, banues në Kuraten, Durrës, pasi u konstatua nga shërbimet e Policisë, duke drejtuar mjetin, në gjendje të dehur.

Materialet kaluan në Prokurorinë e Rrethit Gjyqësor Durrës, për veprime të mëtejshme.