Një tjetër sfidë argëtuese ka mbajtur banorët e Big Brother VIP Albania 4 të angazhuar, ku ata u përballën me një lojë të re të sjellë nga Vëllai i Madh. Çdo banor hapi një zarf dhe përmbushi një detyrë të caktuar, duke sjellë momente humoristikë dhe emocionale brenda shtëpisë.

Një nga momentet më të paharrueshme i ra Gjestit, i cili duhej të vishte një fustan të Egli Takos. Me humorin dhe energjinë që e karakterizojnë, ai shkoi në lavanderi dhe zgjodhi një fustan të bardhë të saj, duke e veshur me krenari. Kjo shkaktoi të qeshura të mëdha mes banorëve dhe e bëri momentin viral në rrjetet sociale, ku fansat e quajtën si një nga skenat më argëtuese të këtij edicioni.

Ky edicion i BBVA4 vazhdon të sjellë lojëra dhe sfida të reja, duke mbajtur shikuesit të angazhuar deri në finalen e madhe.