Në ditën e djeshme u zhvilluan disa sfida miqësore të ekipeve kombëtare. Hollanda e Ronald Koeman mposhti 4-0 skuadrën e Skocisë në ‘Johan Cruyff’ arena në Amsterdam. Tijani Reijnders, mesfushori i Milanit, shkëlqeu duke hapur serinë e golave në minutën e 40-të. Në pjesën e dytë, Georginio Wijnaldum shënoi golin e dytë në minutën e 72-të. Fundi i lojës u shënua me golin e dy sulmuesve zëvëndësues, Weghorst dhe Malen, të cilët siguruan fitoren e Hollandsë me golin e tretë dhe të katërt.

Në Londër, Spanja pësoi një humbje të papritur 1-0 nga Kolumbia. Munoz shënoi golin e vetëm të takimit në minutën e 61-të, duke siguruar fitoren për Kolumbinë.

Hungaria mposhti Turqinë 1-0 me golin e mesfushorit të Liverpool, Szoboszlai, në minutën e 48-të.

Në mbrëmje pritet të zhvillohen dy sfida miqësore të forta. Anglia do të përballet me Brazilin, ndërsa Franca do të ndeshet me Gjermaninë.