Në SHBA, një vajzë 18-vjeçare, Alicia Navarro, e cila u zhduk katër vjet më parë në Arizona duke humbur plotësisht gjurmët e saj, u shfaq në befasi në një stacion policie në Montana.

“Mrekullitë ekzistojnë”, ka shkruar nëna në Facebook. Kur Alicia iku nga shtëpia në vitin 2019 në moshën 14-vjeçare, ajo la një shënim: “Unë po ik, por do të kthehem, të betohem. Më fal.”

Siç raportojnë mediat amerikane, vajza është mirë por nuk dihet se si ka arritur në Montana nga Arizona.

Pas zhdukjes së saj në vitin 2019, nisi një kërkim pa ndalesë nga FBI dhe Qendra për Fëmijët e Zhdukur dhe të Shfrytëzuar.

E reja është në gjendje të mirë dhe nuk do të ketë pasoja penale.