Një ngjarje e pazakontë ka ndodhur në Florida të SHBA-ve. Një i ri i akuzuar për vjedhje ka tentuar të flirtojë me gjykatësen e çështjes, me shpresën se do të mund të ulte dënimin e tij.

Demetrius Lewis u shfaq para gjykatëses Tabitha Blackmon në një seancë dëgjimore të zhvilluar në platformën “Zoom”.

“Si jeni? Më lejoni t’ju them se jeni bërë shumë e bukur sot”, raportohet t’i ketë thënë Lewis gjykatëses.

Por sipas mediave vendase i riu ka shkuar deri aty sa i ka thënë gjykatëses se e dashuron.
Ndërsa përgjigja e gjykatëses Blackmon ishte epike:

“Në rregull z. Lewis. Komplimentet e tua mund të funksionojnë diku tjetër, por jo këtu”.
Në fund të seancës gjykatësja vendosi një gjobë të majme Lewis-it, prej 5 mijë dollarësh. Kjo nuk ishte hera e parë që i riu akuzohej, pasi para disa vitesh ka kaluar katër vite në burg.