Një ngjarje e rëndë tronditi mbrëmjen e kaluar qytetin e Uashingtonit, ku dy punonjës të Ambasadës së Izraelit, një burrë dhe një grua, u qëlluan për vdekje me armë zjarri pranë Muzeut Hebraik rreth orës 21:00 me orën lokale. Sipas burimeve, ata ishin një çift që planifikonin të fejoheshin në Jerusalem.
👮♂️ Autori i sulmit, i identifikuar si Elias Rodriguez, 30 vjeç, nga Çikago, u arrestua në vendngjarje. Ai bërtiste “Palestina e lirë” në momentin e arrestimit dhe tentoi të hynte në muze pas sulmit, por u ndalua nga personeli i sigurisë.
📍 Ngjarja ndodhi shumë pranë zyrës rajonale të FBI-së. Autoritetet lokale dhe federale po hetojnë incidentin në bashkëpunim me Ambasadën Izraelite, ndërsa konfirmohet se ambasadori izraelit nuk ndodhej në vendngjarje në kohën e sulmit.
🗣️ Prokurorja e Përgjithshme e SHBA-së, Pam Bondi, dhe prokurorja në detyrë e Uashingtonit, Janine Piro, vizituan vendin e ngjarjes, ndërsa pritet që rasti të trajtohet si një sulm i motivuar politikisht dhe potencialisht krim urrejtjeje.
📌 Muzeu Hebraik në Uashington është një institucion i rëndësishëm kulturor, i përkushtuar për dokumentimin dhe promovimin e përvojës hebraike në rajon.
