Xhensila Myrtezaj ka qenë shpesh në vëmendjen e mediave rozë, për shkak të ndarjes nga ish-partneri Bes Kallaku dhe për formën e saj fizike, e cila ka ngjallur shumë komente dhe spekulime. Së fundmi, trajneri i njohur i fitnesit në Kosovë, Gen Zeqiraj, ka dhënë një reagim të drejtpërdrejtë mbi këtë çështje.

Zeqiraj ka shprehur se është e pamundur që një femër të arrijë linjat perfekte dy javë pas lindjes. Ai theksoi se trupi i një gruaje pas lindjes duhet të mbetet në një gjendje natyrale për shkak të ushqyerjes së fëmijës dhe se ndërhyrjet estetike nuk janë shembulli i duhur.

“Ky është gabim i madh. Trupi nuk mundet me ndryshu shumë shpejt. Pas 6 muajsh fillon të shihet ndryshimi i madh. S’ka shans të ndodh ai ndryshim për 3-4 javë. 80% bëjnë operacione. Mos i shihni në Instagram se askush nuk tregon çfarë ka marrë çfarë po përdor. Nëse ajo ka lind dhe për 2 javë del në skenë me atë trup, s’ka shans. Pas 1 viti mund të bëhet ai trup. Ndoshta është shembulli më i keq. Unë kam fëmijë vetë, e di si është trupi i nënës pas lindjes. Kjo është gabim pasi t’i duhet të ushqesh fëmijën,” shprehet Zeqiraj.

Ky reagim vjen në një kohë kur shumë ndjekës të Xhensila Myrtezaj kanë vënë në dyshim transformimin e saj të shpejtë pas lindjes, duke sugjeruar se mund të jenë përdorur metoda jo natyrale për të arritur këto rezultate.