Një sherr me sende të forta ka ndodhur në orët e para të mëngjesit të sotëm në fshatin Gjashtë, Sarandë. Sipas informacionit paraprak të policisë, konflikti ka shpërthyer për motive të dobëta dhe ka përfshirë disa persona, përfshirë edhe një punonjës policie jashtë shërbimit.

Si pasojë e përplasjes, dy persona, Enea dhe Albi Nexhipi, kanë mbetur të lënduar dhe janë dërguar në spital për trajtim mjekësor. Pas ndihmës së marrë, ata janë shoqëruar në Komisariatin e Policisë Sarandë për veprime të mëtejshme.

Përveç dy personave të lënduar, në Komisariatin e Policisë janë shoqëruar dhe disa shtetas të tjerë të përfshirë në këtë konflikt, përfshirë edhe punonjësin e policisë jashtë shërbimit. Grupi hetimor, i udhëhequr nga Prokuroria e Sarandës, po punon për zbardhjen dhe dokumentimin e ngjarjes.

Policia ka njoftuar se vijon puna për identifikimin dhe shoqërimin e të tjerë shtetasve të përfshirë.