Tre persona kanë mbetur të plagosur ditën e sotme në Laprakë. Sipas informacioneve paraprake, pas një sherri banal kanë mbetur të plagosur tre persona pasi jane qelluar me thikënga një 40-vjeçar.

Ata janë dërguar në spital ndërsa nuk dihet se si është gjendja shëndetësore. Autori është larguar nga vendi i ngjarjes dhe po punohet për kapjen e tij.

Ndërkohë nuk dihen rrethanat e ngjarjes së rëndë.

Tiranë/Informacion paraprak

Më datë 04.03.2023, në Laprakë, në një lokal, shtetasi E. Gj., 40 vjeç, dyshohet se ka goditur me mjet prerës shtetasit V. Rr., 64 vjeç, R. Rr., 40 vjeç dhe shtetasin M. M., 47 vjeç. Si pasojë 3 shtetasit janë dëmtuar dhe ndodhen në spital, nën kujdesin e mjekëve.

Shërbimet e Policisë po kontrollojnë në zonë për kapjen e autorit.

Grupi hetimor po punon për sqarimin e rrethanave të ngjarjes.